Í ræðunni kemur hún inn á mikilvægustu atriði feminisma, hvernig hugtakið feminismi er oftar en ekki misskilið og síðast en ekki síst...hvernig hugtakið feminismi varðar karla og réttindi þeirra líka, en það virðist oft gleymast.
Það er ekkert annað en grátlegt að hugsa til þess að enn þann dag í dag þá er ójafnrétti milli kynjanna gífurlegt. Ekki aðeins á vinnumarkaðnum, heldur einnig í hinu daglega lífi, hvar sem er í heiminum.
Hugtakið feministi er skilgreint þannig:
"Feministi er karl EÐA kona sem veit að jafnrétti kynjanna hefur EKKI verið náð og vill gera eitthvað í því."
Ójafnrétti varðar okkur öll. Ekki aðeins konur. Ekki aðeins karla. Eins og Emma nefnir réttilega að þá er það virkilega ranglátt að vera dæmd/-ur út frá því af hvaða kyni við erum í staðinn fyrir það hver við erum og hvað við gerum.
Ég hvet alla til þess að leggja við hlustir og velta þessu málefni fyrir sér. Emma, snillingur og hugsuður mikill veit svo sannarlega hvað hún er að segja.
https://www.youtube.com/watch?v=Q0Dg226G2Z8&feature=youtu.be
#HeForShe
Unnur.
