Prófin eru búin og einkunnirnar komnar, gæti ekki verið sáttari. USA ferðin mín nálgast óðum og undirbúningur og spenna í algjöru hámarki. Sumarfríið formlega dottið í hús.
Undanfarnir dagar eru búnir að fara í það að hitta allt nánasta fólkið mitt áður en ég kemst í sæluna í DK og á Krít með familíunni. Betra gæti það ekki verið. Dagurinn í dag fór í spennandi verkefni sem ég mun kynna úti í Bandaríkjunum í sumar. Mikið stúss í tengslum við það niðri í bæ með besta crew-i í heimi, Davíð og Alexander vinum mínum tveimur, ásamt því að kaupa útskriftargjafir og fleira með vinkonu!
Fyrir ykkur sem ekki vitið að þá er ég á leiðinni í eins mánaðar verkefni úti í Indiana í Bandaríkjunum í sumar. Þar verð ég þátttakandi fyrir Íslands hönd. Einn einstaklingur frá hverju Evrópulandi er sendur út til þess að taka þátt í verkefninu. Unnið verður með alheimsvandamál, mannréttindamál, jafnrétti kynjanna, pólitík, viðskipti, alþjóðafræði og fleira spennandi. Við munum sækja umræðutíma, fara á fyrirlestra, halda fyrirlestra, ferðast um Bandaríkin, kynnast mismunandi menningarheimum og margt fleira. Þetta er virkilega stórt og spennandi allt saman og gæti ég ekki verið glaðari að hafa verið valin af öllum þeim sem sóttu um. Það eru spennandi tímar framundan og það er bókað mál að sumarið verður einstök upplifun.
Fyrir ykkur sem lesið þetta blessaða saklausa blogg mitt að þá vil ég segja ykkur frá verkefni dagsins. Í dag var virkilega spennandi en krefjandi dagur þar sem ég ásamt upptökumanni og ljósmyndara gengum um bæinn og tókum upp fyrir myndband sem ég mun kynna á fyrirlestri þegar til Bandaríkjanna er komið. Þegar myndbandið er fullunnið og ég búin að kynna það að þá mun ég pósta því hingað fyrir ykkur til að sjá. Mikil vinna er lögð í myndbandið og ég er virkilega spennt að sjá útkomuna.
Hér fylgja með myndir frá deginum í dag en ég mun að öllum líkindum leyfa ykkur að fylgjast með á næstunni þegar við höldum upptökum áfram!
xx
Unnur
Engin ummæli:
Skrifa ummæli